Þetta er námskeið fyrir þá sem hafa lært að kafa í heitum sjó og hafa enga reynslu af þurrgöllum. Það getur verið stórt skref að kafa í þurrgalla í fyrsta skiptið og gott að gera það undir leiðsögn köfunarkennara. Einnig geta þeir sem taka open water námskeið bætt við einni köfun og fengið þurrgallaréttindin líka (30.000.- auka kostnaður). Námskeiðið veitir réttindi til köfunar í þurrgalla en á sumum köfunarstöðum er það krafa svo að kafarar fái að kafa,

Krafa að nemandi hefur Open Water réttindi eða tekur námskeiðið samhliða Open Water

Þetta er framhaldsnámskeið þar sem byggt er ofan á ýmislegt sem kennt er í grunnnámskeiðinu. Djúpköfun á 30 metra, og köfun með áttavita eru kjarnaáfangar í þessu námskeiði. Auk þess velur fólk sér í samráði með köfunarkennaranum þrjár kafanir í öðrum SDI sérnámskeiðum. Námskeiðið er fimm kafanir og veitir köfurum réttindi til köfunar niður á 30 metra dýpi.

Krafa að nemandi hefur Open Water réttindi

Þetta er námskeið fyrir þá sem vilja sannarlega verða “Advanced Divers.” Í þessu námskeiði mun köfunarkennarinn fara með þér í fjögur mismundandi SDI sérnámskeið (t.d. Djúpköfun, áttavitaköfun, ljósmyndun, nitrox o.s.frv.) þar sem farið er yfir þá getu og þekkingu sem þú þarft á að halda, í lok námskeiðsins átt þú að geta framkvæmt álíka kafanir á eigin vegum. Þegar þú hefur skráð 25 kafanir í logbókina þína (þar með talið allar kafanir á námskeiðum), og klárað þessi fjögur sérnámskeið útskrifar SDI köfunarkennarinn þig sem „advance“ SDI kafara.

Krafa að nemandi hefur Open Water réttindi

Undanfarin ár hefur sidemount köfun verið að sækja á sem uppsetning á köfunarbúnaði. Þetta er tveggja kúta uppsetning þar sem kútarnir eru hafðir upp við síðuna. Þetta gerir straumlínulögun og flotjöfnun betri. Þar að auki er öruggara að kafa með tveimur kútum heldur en einum. Þetta námskeið tekur tvo daga og samanstendur af verklegu námi innandyra þar sem farið er yfir uppsetningu á kútum og öðrum búnaði. Síðan eru þrjár kafanir þar sem æfingar eru gerðar eins og lokun fyrir loft í neyð og flotjöfunun. Í fyrstu köfuninni er verið að stilla af búnaðinn.

Krafa að nemandi hefur Open Water réttindi

Þetta er námskeið sem SDI hefur kennt í meira en 20 ár og verið leiðandi að koma soló-köfun í köfunarheiminn. Það krefst meiri sjálfsaga að kafa einn. Þetta námskeið er hannað með reyndari kafara í huga sem vilja kafa einir eða vera betri köfunarfélagar. Á námskeiðinu er farið yfir hvernig á að skipuleggja köfun, setja sér mörk og þekkja sín eigin mörk, koma í veg fyrir slys en líka kosti soló-köfunar, rétt ferli til að nota og þær hættur sem leynast fyrir þá sem kafa einir. Þér verður kennt hverning búnað þú þarft að setja upp til að kafa einn. Þetta námskeið er fullkomið fyrir köfunarkennara, neðansjávarljósmyndara, neðansjávarkvikmyndatökumenn og þeirra sem vilja kafa einir. Þetta námskeið er nokkrir klst í bóklegum og tvær kafanir.

Krafa að nemandi hefur Open Water réttindi og lokið 100 kafanir

Þetta er eitt af vinsælustu námskeiðum SDI. Það veitir réttindi til að nota súrefnisbæt loft í köfun upp að 40% súrefni í loftinu. Þetta eykur þann tíma sem kafari getur varið í kafi án þess að þurfa að lenda í afþrýstistoppi. Einnig verða menn almennt minna þreytir ef þeir kafa með súrefnisbætu lofti og það leyfir þeim að taka fleiri kafanir á dag án vandræða. Þetta er venjulega það námskeið sem menn taka þegar þeir ætla að fara að taka köfunina sýna alvarlega. Þetta námskeið tekur aðeins eitt kvöld og samanstendur af bóklegu og verklegu námi í kennslustofu.

Krafa að nemandi hefur Open Water réttindi

Sniðugt námskeið fyrir þá sem vilja geta skoðað meira í köfun en margir köfunarstaðiðir á Íslandi liggja á 18 til 40 metra dýpi t.d. El Grillo og Strýtunar í Eyjafirðinum. Á námskeiðinu er farið í helstu áhættuþættir djúpköfunar og skipulagningu hennar. Námskeiðið er fjórar kafanir og þar af einn niður á 40 metra. Í námskeiðinu er fólki kennd að nota varaloftlind sem er nauðsynlegt þegar kafað er á meiri dýpi. Farið er yfir uppsetningu og notkun á slíkum aukakút. Nemendur þurfa sjálfir að eiga sinn búnað en við getum lánað auka kút og lungu fyrir þetta námskeið.

Krafa að nemandi hefur Advance Scuba Diver réttindi

Þetta er námskeið fyrir þá sem eru advanced diver og búnir að læra fyrstu hjálp. Á námskeiðinu er farið yfir hvað menn þurfa að gera til að koma í veg fyrir slys og bregðast við slysum hjá köfurum. Þá er bæði farið í sjálfshjálp og í björgun á öðrum köfurum. Þetta er bæði bóklegt og verklegt námskeið og tekur venjulega eitt kvöld og tvo daga og er venjulega kennt á eini helgi.

Krafa að nemandi hefur Advance Scuba Diver réttindi

Þetta er námskeið fyrir þá sem vilja verða leiðtogar í köfun. Nemendur þurfa að vera búnir með Rescue diver námskeiðið til að hefja þetta námskeið og hafa 60 loggaðar kafanir. Divemaster námskeiðið þjálfar fólk í því að leiða aðra kafara í köfun og veitir fólki fagréttindi í köfun til að starfa sem köfunarleiðsögumenn eða til að aðstoða köfunarkennara. Þetta er líka mikilvægasta námskeiðið til undirbúnings fyrir köfunarkennaranámið og námið tekur venjulega nokkra mánuði að klára. Ofan á verð fyrir námskeið kemur verð fyrir bókapakka og skráningu hjá SDI. Best að hafa samband til að sjá betri upplýsingar.

Krafa að nemandi hefur Rescue Diver réttindi